ACCADEMIA NAPOLETANA: Progetto di Sensibilizzazione alla Storia e Lingua di Napoli
(Ducumentazzione d’ ‘e ccose fatte p’ ‘o Pruggetto p’ ‘a Storia e Llengua e Napule
La redazione di quest’articolo è parte della realizzazione ed espressione del progetto culturale di sensibilizzazione alla lingua e storia di Napoli, patrocinato dal Comune di Napoli ed è finalizzata allo studio dell’idioma Napoletano, come patrimonio linguistico di Napoli e non solo.
Ll’Associazziona NOTRE NAPULE ‘A VISIONAIRE cu cchistu scrìtto, mette ncopp’â carta chello ca nfin’a mmo ha fatto pe ppurtà annanze ‘o pruggetto sott’â tutèra (patrocinio) d’ ‘o Commune ‘e Napule (Comune di Napoli) “Lingua e Storia di Napoli” e ati ccose ca pure ll’Assuciazziona ha fatto p’ ‘a Lengua, Storia e Ddegnità ‘e Napule.
1) Corzo ‘e Llengua e Ccultura Napulitana cu ‘a primma Certificazziona ‘e cunuscenza ‘e Lengua Napulitana ‘e leviello Airopeo cu ‘a tutèra (patrocinio) d’ ‘o Commune ‘e Napule;
2) Ducumentazziona presentata ô Sinnaco ‘e Napule ncopp’â storia e situazziona ‘e juorne nuoste d’ ‘o nNnapulitano (‘a lengua ‘e Napule) ‘e dispunibbeletà ‘e chi ve sta scrìvenno p’ ‘a defesa ‘e ‘sta lengua, p’ ‘a fà mparà dint’ê scole, pe ffa fà signale, nomme d’ ‘e vvìe a llengua napulitana ( doppia odo-toponomastica);
3) Scrìttura ‘e primma mana d’ ‘o primmo ducumento a llengua napulitana d’ ‘o XXI sèculo po pubblicato afficialmente dô Commune ‘e Napule;
4) ‘A carta d’ ‘e nomme napulitane d’ ‘e puoste e vvìe, comme cunusciute e cchiammate d’ ‘a ggente d’ ‘a Terza Municipalità (Destritto) d’ ‘o Commune ‘e Napule, p’ ‘e furastiere e pp’ ‘e napulitane;
5) Espusizziona cu ffotografie e ‘mmaggine cu scritte a llengua napulitana “ ‘O Rione cumm’era, cumm’è” p’ ‘o primmo festivallo “Sky art Festival”;
6) ‘E ffemmene ‘e Napule, cummersazziona (conversazione) p’arricurdà ‘e ffemmene cchiù mpurtante ‘e Napule (Marzo Donna);
7) Ggiro turistico p’ ‘a Tèrza Municipalità cu spiegazzion’ a llengua napulitana e
‘ngrese (Maggio Napoletano) p’aunurà (onorare) pure ‘o Placito ‘e Capua;
8) Cummersazziona ô PAN (Palazzo delle Arti di Napoli) “Cultura e Tutela dei Diritti” contr’ ‘a mafia;
9) Lezziona Maggistrale (Lectio Magistralis) a ll’Università URCA d’ ‘o Bbrasile “Napoli, civiltà millenaria”;
10) Espuzziona a llengua napulitana ncopp’a Bbasile Giambattista a Ggiugliano nCampania;
11) Cummersazziona a Ggiugliano nCampania “Cultura ed Istruzione tra Criminalità e Diritti Negati”;
12) Articule a llengua Napulitana pe ffà mparà meglio a scrìvere ‘o nNapulitano;
13) Nterviste, cullabburazzione, ati pruggette a Nnapule e ffora
Nzomma n’avìmmo fatte ‘e cose. Pecché? Pecché ‘o nNapulitano nun è ssulo ‘a lengua ‘e Napule ma è ‘o cuorpo e ll’anema ‘e ‘sta città e dd’ ‘o puopolo suojo!.
Ma pecché pure po’ ‘ddenventà n’accasione ‘ e ‘spurtà comme se deve Napule, e cchello ca dint’ a ‘sta lengua Napule ha fatto.
E ssi m’ ‘o ccunzentite, p’apprufittà e tutto chesto pe ccircà pure ‘e fà coccheccosa a ffavore ‘e ll’abbilità, scienzia e ccuscienza d’ ‘e ‘uagliune nuoste!
Chello c’avìmmo scrìtto ncoppa è, a pprimm’acchitto, summariamente (sintenticamente) chello c’ Âssuciazziona NOTRE NAPULE ‘A VISIONAIRE e ll’urganismo scientìfico suojo, Âccademmia Napulitana (Accademia Napoletana) hanno fatto, sulo ‘a ggennajo a mmo, pe ppurtà annanze spiriciamente p’ ‘e ggiuvene, ‘a Storia e ‘a Lengua ‘e Napule. E âmmo sulo accuminciato.
Dutt.Massimiliano Verde
Prèsidente ‘e ll’Accademmia Napulitana
Con il Patrocinio del 